საქართველოს საგანგებო და სრულუფლებიანმა ელჩმა, გვარამ ხანდამიშვილმა საელჩოში პარაგვაის რესპუბლიკის საგარეო საქმეთა სამინისტროს დელეგაციას უმასპინძლა
მ.წ. 11 დეკემბერს, საქართველოს საგანგებო და სრულუფლებიანმა ელჩმა, გვარამ ხანდამიშვილმა საელჩოში უმასპინძლა პარაგვაის რესპუბლიკის საგარეო საქმეთა სამინისტროს დელეგაციას, ორმხრივი ურთიერთობების გენერალური დირექტორის, რაულ მარტინესის ხელმძღვანელობით.
შეხვედრაზე განხილული იქნა საქართველოსა და პარაგვაის ორმხრივი დღის წესრიგის მნიშვნელოვანი საკითხები. კერძოდ, მხარეებმა ისაუბრეს ორმხრივი პოლიტიკური დიალოგის, ვაჭრობის, ტურიზმის, კულტურისა და სპორტის სფეროებში ქვეყნებს შორის კავშირების გაღრმავებაზე.
