საქართველოს საგანგებო და სრულუფლებიანმა ელჩმა, გვარამ ხანდამიშვილმა შეხვედრა გამართა ორგანიზაციის „Keren Kayemet LeIsrael” (KKL) პრეზიდენტთან, ჯესიკა სოუსთან
4 თებერვალს, საქართველოს ელჩმა, გვარამ ხანდამიშვილმა შეხვედრა გამართა ქ. ბუენოს-აირესში გარემოს დაცვისა და განათლების პროექტებზე მომუშავე ორგანიზაციის „Keren Kayemet LeIsrael” (KKL) პრეზიდენტთან, ჯესიკა სოუსთან და ორგანიზაციის გენერალურ მდივანთან, დიეგო სუკერბერგთან. შეხვედრაზე მხარეებმა ისაუბრეს ორგანიზაციის საქმიანობასა და KKL-ის დელეგაციის საქართველოში ვიზიტის გეგმებზე. ამასთან, ხაზი გაესვა ქართულ-ებრაული ურთიერთობების მრავალსაუკუნოვან ისტორიას.
