ელჩმა გვარამ ხანდამშვილმა შეხვედრა გამართა ეკვადორის წარმოების, საგარეო ვაჭრობის, ინვესტიციებისა და მეთევზეობის მინისტრთან
ეკვადორის რესპუბლიკაში სამუშაო ვიზიტის ფარგლებში, საქართველოს ელჩმა, გვარამ ხანდამიშვილმა შეხვედრა გამართა ქვეყნის წარმოების, საგარეო ვაჭრობის,ინვესტიციებისა და მეთევზეობის მინისტრთან, სონსოლეს გარსიასთან. შეხვედრაზე მხარეებმა ისაუბრეს საქართველოსა და ეკვადორს შორის ურთიერთობების მზარდ დინამიკაზე.
განხილულ იქნა ორი ქვეყნის საგარეო პოლიტიკის პრიორიტეტები სავაჭრო-ეკონომიკური კუთხით და თანამშრომლობის გაღრმავების კონკრეტული შესაძლებლობები. მხარეები შეთანხმდნენ, რომ გააგრძელებენ მჭიდრო თანამშრომლობას საქართველოსა და ეკვადორის სავაჭრო კავშირების გაფართოების და ინსტიტუციური თანამშრომლობის განვითარების მიზნით.
