საქართველოს ელჩმა მონაწილეობა მიღო სანტა-ფეს ბიზნეს-ფორუმში

3-4 სექტემბერს, ქ. როსარიოში, საქართველოს საგანგებო და სრულუფლებიანმა ელჩმა, გვარამ ხანდამიშვილმა არგენტინის სანტა-ფეს პროვინციის გუბერნატორის, მაქსიმილიანო პუიაროს მიწვევით, მონაწილეობა მიიღო სანტა-ფეს ბიზნეს ფორუმში. ღონისძიების ფარგლებში, ელჩი გაესაუბრა და შეხვედრები გამართა სანტა-ფეს პროვინციისა და ქ. როსარიოს ხელისუფლების წარმომადგენლებთან.

 

გუბერნატორთან, მაქსიმილიანო პუიაროსთან და ვიცე-გუბერნატორთან, ჟისელა სკალიასთან ელჩმა ისაუბრა საქართველოსა და სანტე-ფეს პროვინციას შორის თანამშრომლობის განვითარების შესაძლებლობებზე. პროვინციის წარმოების მინისტრთან, გუსტავო პუჩინისთან შეხვედრაზე, მხარეებმა განიხილეს სავაჭრო-ეკონომიკური ურთიერთობების განვითარების კონკრეტული პრიორიტეტები.

 

გვარამ ხანდამიშვილმა სავაჭრო, ტურისტული და კულტურული გაცვლების საკითხებზე ისაუბრა სანტა-ფეს ტურიზმის მდივანთან, მარსელა ებრარდთან, როსარიოს სპორტისა და ტურიზმის მდივანთან, ალეხანდრა მატეუსთან, ქალაქის საგარეო ვაჭრობის პალატის პრეზიდენტთან, სერხიო როდრიგესთან.